【Now財經台】昨日(27)外長王毅跟美國國務卿魯比奧(Marco Rubio)通電話，市場樂觀情緒高漲，日股、韓股、台股先後破頂，美股3大指數及羅素2000昨晚(27日)齊破頂，但其實投資者心目中都有個底，今次會唔會係反應過大？
高富金融集團投資總監梁偉民指，樂觀情緒升溫係合理反應，但當全球股市因為呢個因素而大升，反而要小心會唔會睇得太樂觀，雖然中美貿易談判傳嚟好消息，但雙方一直以來累積嘅衝突，唔係一次會面就可以解決。
Wyman又話，美方似乎開始讓步，不過，美國始終盤算緊點樣喺稀土問題上，減低中國嘅制約，若美國未來唔再制中國嘅稀土政策，雙方好大機會再「開火」，佢估計，未來呢幾個月會較平穩，但唔代表呢個狀況可以持續至2026年底，因此，呢個風險一直隱藏喺市場中，雖然短期未必會爆，但投資者仍要小心。
