【Now財經台】臨近「雙11」，市場開始多啲留意電商股，據《彭博》最新報道，美團(03690)擬發點心債，規模最多100億人仔。美團股價今早(24日)高開逾1%後，走勢反覆，更再度跌穿100元關口。美團好倉已連續14日有資金流入，昨日(23日)就有1400萬元，好友最新係咪繼續入場?
星展香港環球金融市場上市產品策略師鍾宛婷指，美團股價近期大落後，昨日受李寧(02331)進駐美團閃購，以及「雙11」等消息帶動，股價應聲反彈，但今早又失守「紅底股」，引來好友補倉，見到好倉資金繼續流入，Kathrin建議投資者可以揀行使價108元，價外1%，明年3月到期嘅CALL，槓桿做到5倍。
