【期匯決算】金價4200美元有支持

【Now財經台】4大貴金屬價格近日大幅回調，現貨金價上周五(17日)回調逾4%或近200美元，但跌幅仍細過白銀、白金及鈀金嘅6%至9%，金價今日(20日)重上每盎司4200美元樓上，呢個位係咪有較大支持？

ATFX亞太區首席分析師林銘添指，金價喺4200美元係算硬淨，近呢幾個月，金價由3000美元升至4300美元，期間已升咗唔少，所以回套200美元其實唔算好多，不過，要留意美國之後嘅通脹數據、中美貿易談判等因素，好大機會令金價再出現調整。