【Now財經台】中美關係持續緊張，美國總統特朗普(Donald Trump)最新指，會因應中國故意唔買美國大豆，考慮限制中美食用油交易。不過，今次嘅威脅相對上周嘅言論溫和，中美係咪繼續喺亞太經合組織(APEC)峰會舉行前，為兩國元首可能會面儲更多談判籌碼？
潤淼資產管理董事盧志威指，依家投資者似乎都傾向等中美會面有成果，先再做部署，所以投資市場氣氛暫時比較平靜，佢認為，雖然近期雙方都各自出招，但中美關係已逐步降溫，並傾向穩定。
William又話，雙方搞咁多「大龍鳳」之後又和好，反映中美其實仍有偈傾，現階段只係繼續拳來腳往，直至達成某啲符合兩國利益嘅協議先會停手。
