【Now財經台】為內地提供民辦高等教育服務嘅中國春來(01969)昨日(8日)出通告指，主席侯春來向集團捐贈數據中心，支持集團旗下學校推動人工智能(AI)與區塊鏈研究及教育發展，帶動股價今日(9日)升逾5%，高見4.62元，公司未來業務或會使用AI，可唔可以幫到股價同估值？
《香港股票財技密碼》作者梁杰文指，中國春來屬於教育股，主題比較悶，依家市場最當炒嘅係AI股，所以公司希望同AI扯上關係。主席向集團捐贈數據中心，對公司業務有幫助，當教育機構掌握到AI技術，能增加招生及開辦課程嘅吸引力，營運教學上亦可節省更多人手成本。
不過，Mike又話，市場需要等待更詳細嘅通告，先可以判斷到呢個數據中心有冇實際價值。
