【Now財經台】火岩控股(01909)計劃「2供1」集資最多1.52億元，供股價1.58元，值得留意係，集資會以非悉數包銷進行，火岩股價今日(6日)早段向下，但午後突然抽升，一度高見2.21元，大升逾11%，點睇集團今次供股嘅舉動及股價反應？
《香港股票財技密碼》作者梁杰文指，一般情況下，上市公司供股集資會對股價造成影響，但火岩股價今日相對硬淨，相信同供股條件有關。
Mike提及，火岩大股東願意包銷51%，反映有機會透過今次供股增持，市場解讀為係有利好作用，因此，就算公司喺市場「抽水」，股價仍表現硬淨，但佢認為，今次嘅供股安排比較少見，包銷方面有啲模棱兩可，並唔係一面倒利好，由於條款罕見，令股價後市走勢更難預測。
