【期匯決算】若日央行加息 Yen或爆拆倉潮

【Now財經台】日本自民黨總裁選舉將於明日(4日)投票，有分析估計，將會係農相小泉進次郎及前經濟安保大臣高市早苗之爭，爭取成為下任首相，今次選舉結果對日圓有咩影響？

獨立外匯商品分析師盧楚仁指，高市早苗取態較鴿派，小泉進次郎就較鷹派，市場暫時持觀望態度，佢估計，小泉勝算較大，因為佢有打擊通脹嘅決心，相信黨員會投票支持小泉。

佢續指，若小泉勝出，市場會憧憬日本央行未來加息步伐將會加快，繼而利好日圓，但投資者要留意日央行月底召開嘅議息會議，一旦宣布加息，投資者就要小心爆發拆倉危機。