【Now財經台】機械人概念股有資金追入，優必選(09880)股價今日(2日)一度升2.8%，高見158.5元，極智嘉(02590)曾升3.8%，高見30.64元，齊創新高。雖然優必選、極智嘉及越疆(02432)都係機械人概念股，但業務範疇唔同，邊隻最值得留意？
耀才證券研究部總監植耀輝指，近年有好多唔同類型嘅機械人，令市場對人形機械人前景睇法樂觀，所以相關股份嘅股價表現較好。佢又話，機械臂及倉儲物流機器發展較成熟，甚至已經開始應用，所以憧憬冇人形機械人咁大，3家公司之中，優必選嗰瓣比較「吃香」，所以股價表現會比極智嘉及越疆強勢。
