【Now財經台】美國政府停擺期間，美股冇受到影響之餘，標指仲繼續破頂，昨晚(1日)更首度衝破6700點，高見6718點，納指亦創新高。美國政府上次停擺都係喺美國總統特朗普(Donald Trump)第1個任期期間，停擺超過30日，點睇今次政府停擺，但市場冇出現恐慌？係咪市場已經預期會出現停擺？
東亞銀行首席經濟師卓亮指，民主及共和兩黨嘅分歧唔係咁易可以解決到，雙方都需要作出讓步，即使政府停擺，但金融市場表現仍比較淡定，主要係因為減息預期繼續高企，佢估計，聯儲局10月及12月將各減息0.25厘，全年共減息0.75厘。
Tristan又話，若貨幣政策更加寬鬆，對資產市場有支持作用。若有較多政府官員停工，甚至裁員，對短期經濟活動會有負面影響，將進一步加深減息預期。
