【Now財經台】今日(30日)係月結及季結嘅大日子，環球股市喺9月都有好表現，美股、台股、南韓股市都創過新高，有望連升第5個月，至於港股亦係4年高位徘徊，股市造好主要係市場繼續消化特朗普嘅關稅政策，中美似乎有計傾，美國聯儲局已恢復減息，呢啲利好因素現水平price in晒未？
安柏環球金融首席投資總監雷志海指，雖然中國經濟仍面對挑戰，所以未能利好整體股市，但中央已不斷出招撐經濟，情況亦有改善，令市場覺得最壞時間已經過咗，因而睇好後市而投入資金。此外，資金之前兩年大量流出A股，但依家已有回流嘅情況，對股市有正面作用。
John又話，內地經濟兩個最大問題係地方政府負債及產能過剩，亦持續咗好耐，如果呢兩個問題可以逐步改善，相信會對A股有更正面影響。
