【Now財經台】美股估值一直偏高，尤其係科技股，納指市盈率(PE)最新高達35倍，近來美國科技巨企有互相投資及入股嘅動作，到底呢啲科企巨無霸結盟會唔會造成泡沫？還是係建立緊一個人工智能(AI)生態圈？
冠域商業及經濟研究中心主任關焯照認為，唔需要太擔心納指PE高，因為AI市場仍處於成長階段，先行者如「科技7雄」(Magnificent 7)會最先「收成」，由於市場預期市長快速增長，股價必定會被推高，令納指PE行得好快。
對於呢啲科企巨無霸結盟，關博士認為，現階段屬於正常發展，因為AI市場都需要有先行者打好基礎，後來者學習及拉近差距，甚至好似當年蘋果公司(Apple Inc.)，完全改變行業生態，佢又認為，真正嘅「科技股王」仍未出現。
