【Now財經台】恒生指數昨日(23日)跌185點後，今日(24日)好淡倉都有資金流入，5日合計分別有約8170萬元及1.15億元資金坐貨，牛證重貨區喺25600點，熊證重貨區就由27200點下移至貼價嘅26700點。大市連跌2日，依家部署熊證嘅贏面係咪比較大？
大唐資本投資策略部總監盧志明指，恒指就快到27000點呢個關鍵阻力區，如果參考返6月及8月嘅數據，兩次破完高位後調整咗1200至1500點，如果27000點調整1200點，差少少就已經到25800水平，調整1500點的話，就25500點水平，即50天線附近，因為目前處於中間點，部署上會比較尷尬，不過，如果調整去到25800點水平，牛證嘅勝算會高啲。
