【Now財經台】近日虛擬貨幣走勢轉弱，昨日(22日)加密貨幣市場有超過15億美元好倉被斬，比特幣(Bitcoin)跌2%，以太幣(Ether)更一度急瀉9%，今次呢個斬倉行動對成個加密貨幣市場影響大唔大？點評估加密貨幣未來走勢？
1uptick Analytics首席分析師杜浩霆指，要睇大戶會唔會趁成交量冇咁大嘅時候進一步減持，亦要睇美國聯儲局減息後，有冇更多消息推高Bitcoin價格，如果冇，未來再跌多少少都唔出奇，Bitcoin嘅上升支持線喺4月初放緩，如果連呢條支持線都守唔到，或要落返11萬美元樓下。
