【Now財經台】百果園集團(02411)「抽水」，配股價1.17元，較上周五(19日)收市價折讓19%，配售約2.8億股，集資所得有60%用嚟支付貿易應付項目，30%用嚟還債，值得留意係，百果園股價今日大升，一度爆升逾33%，高見1.93元，到底係咩原因股價今日(22日)不跌反升？
《香港股票財技密碼》作者梁杰文認為，百果園本身冇乜特別亮點，如果當今次配股集資係為咗還債，反映公司業績差，資金比較緊張。佢又指，睇返供股條款，今次係折讓價及供股比例有變，喺兩個因素疊加下，令投資者誤以為後續可能會有利好消息，就吸引資金入場掃高股價。
Mike又認為，受消費模式轉變，即係以網購為主，令百果園呢類有傳統店舖嘅零售公司陷入捱打困局，事實上，百果園收入錄雙位數跌幅，加上毛利愈跌愈誇張，最後業績由盈轉虧，所以佢唔睇好公司業務前景，甚至認為要用悲觀嚟形容。
