【Now財經台】美國科技股持續強勢，「科技7雄」(Magnificent 7)當中，Tesla受大股東馬斯克(Elon Musk)大手增持刺激，股價昨日(15日)再炒高逾7%，另一隻科技股Google母公司Alphabet亦升逾4%，依家14天RSI已升至近90嘅極超買水平，點睇呢兩隻科技股前景？
高富金融集團投資總監梁偉民指，Tesla股價今年有機會破頂，但未必會不斷傳嚟好消息，首先係業務基本面仍然較差，電動車銷售疲弱，估計仍未見底，其次係估值貴，依家市盈率(PE)約250倍，短線而言，雖然投資者樂觀情緒高漲，但睇唔到有咩因素可以繼續撐起股價。
Wyman又話，「7雄」中較睇好Alphabet，主要係公司估值唔貴，PE僅約20倍，雖然擔心科技股升過龍，但Alphabet仍相對平，不過，近期已累升近40%，已經比較誇張，亦相信利好因素已差唔多反映晒，短線建議投資者先食糊，等股價回調返少少時再部署。
