【期匯決算】加拿大有冇減息迫切性？

【Now財經台】今個星期係環球央行「超級議息周」，美國、英國、日本及加拿大等央行都會議息，其中，喺就業市場數據惡化下，市場預期，加拿大央行將會減息0.25厘，到底加拿大係咪有好大減息需要？

ATFX亞太區首席分析師林銘添表示，睇返加拿大現時嘅就業或樓市情況，減息會有利提振當地經濟，亦可以令加元有支持，不過，關稅戰仍存在不確定性，加拿大通脹有可能喺年底反彈，呢啲都需時觀察，加上要睇央行嘅重心放喺改善整體經濟，還是改善通脹。