【Now財經台】美國最新職位空缺減至近1年最少，而聯儲局最新公布嘅《褐皮書》顯示，關稅推高物價，企業又暫停招聘，令今個月減息預期升溫。美國勞工市場疲弱點影響減息步伐？美匯指數又會點行？
獨立外匯商品分析師譚家康指，雖然新職位減少，但其實仍有700萬個，投資者要留意今個星期公布嘅首次申領失業救濟人數及非農就業數據，若數字差過預期，9月減息機會進一步增加，佢估計，美國今年餘下時間會減息1至2次。
Pierce又話，美匯指數今年表現係20年以嚟最差，第2差係2017年，意味美國總統特朗普(Donlad Trump)任期內，美元表現一般較弱，Pierce估計，若美匯指數可以守住96.4水平，繼續橫行嘅機會較大。
