【Now財經台】國際金價再破頂，現貨金價一度迫近每盎司3580美元水平，但金礦股今日(4日)先升後回，其中，紫金礦業(02899)股價高開後，一度高見28.24元，升2.3%，但其後掉頭向下，曾倒跌逾4%，低見26.44元。金價近幾日都造好，好倉資金係咪繼續食糊？多唔多資金入場反手造淡？
中銀國際證券衍生產品部董事朱紅指，金價走勢一浪高於一浪，依家更迫近3600美元水平。市場預期，美國今個月開始減息，美元弱勢會進一步推高金價，加上全球國際央行持續增持黃金儲備，所以金價中長線仍可睇好。
Niki又話，紫金股價今年一支獨秀，由13元升至近期高位28元，雖然最近回落至27元水平，但紫金好倉仍值得關注，佢建議投資者可以留意行使價35元嘅CALL，明年3至4月到期，槓桿做到4至5倍。
