【Now財經台】美國聯儲局理事沃勒(Christopher Waller)表示，未來幾個月應該會減息幾次，但節奏可以協商。美國30年期債息觸及5厘水平後，掉頭回落至4.9厘樓下，不過，日本30年長債升至紀錄新高，英國30年國債息率又升至1998年以嚟新高，係咪市場擔心各國控制財政赤字及通脹能力？現時債券係咪不宜沾手？
鴻鵠資產管理行政總裁陸庭龍指，通脹有機會因加關稅升溫，歐洲、日本等被美國加徵關稅嘅國家，佢哋嘅長債孳息率率先反彈，加上現時關稅仍存在不確定性，若關稅政策遭否決，華政難以處理巨大財赤時，就會繼續發債，當債券供應量增加，長債息就會升。
Alan又話，喺通脹壓力及財政赤字高企下，建議投資者唔好大手買入長債，反而可以留意2年以下嘅短債。
