【Now財經台】澳洲第2季國內生產總值(GDP)按季升0.6%，按年就升1.8%，兩者都好過市場預期，表現亦好過第1季，澳洲央行今年已經減息3次，累計減咗0.75厘，係咪開始對經濟產生效果？
東亞銀行財富管理部高級投資策略師黃燕娥指，澳洲GDP表現穩定亦較預期好，雖然當地較遲先開始減息，但對經濟嘅支持效果唔錯。
Angela又指，如果澳洲經濟保持穩定，加上美國聯儲局開始做減息部署，相信澳洲央行短期會維持減息步伐，雖然會比美國慢啲，但澳元有息差優勢，值得留意係，內地經濟出現反彈或有改善，都有利澳洲經濟，繼而帶動澳元向上。
佢預期，澳元短線仍值得睇好，估計會維持區間上落格局。
