【Now財經台】美團(03690)上季業績差，股價持續弱勢，今早(3日)更失守「紅底股」，一度跌逾1%，低見99.8元。好倉持續有資金流入，5日合計有逾9000萬元坐貨，係資金流入最大個股，美團股價未見好轉，亦唔見有利好消息，但100元關口似乎仲有支持，好淡友可以點部署？
滙豐亞太區財富管理香港上市產品銷售經理盧貴良指，好友方面，建議CALL輪擺位保守啲，行使價可以考慮以之前裂口頂，即120元，今年12月到期，實際槓桿做到7倍。淡友方面，由於PUT輪選擇唔多，建議揀熊證做淡倉部署，收回價可以參考之前裂口，即114元，實際槓桿做到5倍。
