【Now財經台】日本央行今日(2日)拍賣一批10年期國債，需求係2023年以來最強，債息就未有太變動。日圓方面，美元兌日圓升穿148水平，但睇返過去1個月，日圓持續疲弱，點解日圓今日向上，同債券拍賣有冇關？投資者可以點部署？
外匯策略專家張建泰指，日本長債息扯高，例如30年債息升至3厘以上，但債息扯高或影響匯市，因為投資者可能會將資金投資喺日本本土，如果情況持續，擔心資金回流日本市場，到時或會引爆日圓拆倉潮，以及令日圓大幅升值，但相信現階段唔會出現呢啲情況。
Ken又建議，可趁美元利息仍高於日圓利息進行套利交易，令美元及日圓暫時維持區間波動格局。
