【股市脈搏】三葉草連日炒上小心北水沽貨

【Now財經台】B仔股三葉草生物(02197)連續兩日喺大成交下炒上，今日(2日)收市升逾4%，報1.21元，全日成交金額逾4300萬元。股價今日一度高見1.28元，創兩年新高，好多技術指標都爆晒燈，其中，RSI(相對強弱指數)出現背馳情況。

集團近日其實冇乜重大利好消息，但貨源歸邊，CCASS頭大5券商持倉已佔咗街貨50%，再睇埋港股通持倉紀錄，依家北水仲楂住約13%，如果股價未來再上試高位，唔排除北水會走貨套現。