【Now財經台】國際金價今年以嚟已累升30%，過去3年就累升逾1倍，如果睇返技術走勢，其實金價都整固咗約4個月，今日(2日)再破頂，升穿每盎司3500美元，市場再度討論金價係咪最少可以升至4000美元，金價仲有幾大上望空間？美國聯儲局仲有約兩周就議息，如果真係減息，金價係咪會應聲爆上，展開新一輪升浪？
資深經濟分析師羅家聰指，如果睇基本因素可以從兩方面分析，首先係供求因素，呢個會對金價長線表現影響較大，短線上落就同供求冇關，反而同通脹、息口及美元有關，其中，通脹近年自高企回落，見到金價上到逾3400美元後，其實一直喺呢個水平上落。
KC又話，依家另一個因素出緊嚟，就係減息，呢個對金價係有啲幫助，但未必非常大。佢估計，如果從追落後角度睇，銀價會比金價更值得睇好，原因係...
