【Now財經台】恒生指數今早(2日)低開後，走勢反覆，好淡倉資金方面，好倉昨日(1日)流出1.64億元，5日合計有約9130萬元離場，淡倉昨日轉為流入，5日合計仲有2210萬元資金坐貨。此外，牛證重貨區繼續喺24700點，最多人加倉係25000點，熊證重貨區喺26100點，亦係最多人加倉嘅位置。雖然恒指昨日大升，但仍未破到上次頂部，牛熊證應咳點擺位？
胤源世創家族辦公室(香港)第一副總裁黃偉豪指，依家整體市況反覆向上，建議如果要反手造淡，收回價唔好擺太貼，雖然業績期過咗，但個別大型股尾升令市有啲反彈，短線擺26200點水平會安全啲，如果博大市延續升勢可以向上，25100及25200點都係唔錯嘅選擇，若擺過夜，牛證收回價可考慮25000點樓下。
