【Now財經台】順豐控股(06936)昨日(28日)出咗上半年業績，雖然收入有增長，但毛利率及EBITDA分別跌至13%及11.3%，順豐股價今日(29日)顯著受壓，一度重挫11%，低見40.12元，點睇順豐呢份成績表？未來行業競爭會唔會加劇？
紅蟻資本投資總監李澤銘指，順豐今次呢份業績唔算令市場滿意，收入只係按年增長約10%，雖然定單量勝同業，但代價就係要減價，令單價跌咗，純利亦冇明顯改善，反映集團唔可以利用規模效應提升市場份額。
Alan又話，物流行業「內捲」情況進一步惡化，順豐以低價搶客，市場憂慮對手會用相同手法搶客，令競爭加劇，估計行業價戰將會持續。
