【Now財經台】美中嘉和(02453)昨日(26日)收市後公布押股消息後，股價今日照高開逾1%，開市報5.65元，但已經係全日高位，其後升幅收窄，但午後一度倒跌，之後再發力向上，收市報5.62元，升不足1%。
公司昨日份通告指，控股股東之一北京泰和誠質押咗3560萬股畀浦發銀行，數量幾乎係手頭上所有持股，以換取一筆13億人仔貸款。
此外，美中嘉和大約喺1個月前宣布折讓配股，集資259億元，主要用嚟減債。
美中嘉和股價近期一直可以守住5.5元水平，公司明日(28日)就會出業績，要留意財務狀況會唔會進一步惡化，同埋股價係咪可以繼續企穩5.5元水平。
