【Now財經台】美國軟件公司Palantir(PLTR.US)股價已連跌5個交易日，昨晚(19日)收市再重挫逾9%，報157.75美元。沽空機構香櫞公司(Citron Research)指，Palantir估值被嚴重高估，股價40美元至50美元先係合理水平，意味同現價有好大潛在跌幅。Palantir呢類人工智能(AI)企業估值相對貴，所以近期借勢回調？
星漢資產管理行政總裁王榮昆指，Palantir股價曾跌到7美元樓下，但之後都可以彈返起，所以炒Palantir嘅投資者已經習慣咗股價波幅好大。
麻省理工學院(MIT)報告指，95%投資生成式AI(Generative AI)嘅公司都係零回報，佢就話，Palantir喺1年內兩度上調指引，正正係歸功於AI，所以呢家唔係投資AI零回報嘅企業，James認為，中長線唔使擔心Palantir股價表現。
