【Now財經台】市場觀望美國聯儲局主席鮑威爾(Jerome Powell)本周發表嘅講話，美股3大指數昨晚(19日)變動唔大，不過，藥股表現搶鏡，包括獲「股神」巴菲特(Warren Buffett)旗下投資旗艦巴郡(Berkshire Hathaway)密密增持嘅聯合健康(UnitedHealth Group Inc.)，不過，成個醫藥板塊近期好冇乜聲氣，係咪因為市場認為，喺美國總統特朗普(Donald Trump)治下藥企冇運行？
高富金融集團投資總監梁偉民指，醫藥板塊暫時未見有利好消息，特朗普更聲稱針對藥物嘅關稅，或上調至200%，甚至更高，由於美國大部分藥物都唔係本土生產，一定會對藥廠造成衝擊。
Wyman又話，藥企另1個隱憂係特朗普為咗減少政府開支，會控制藥價，禁止藥企加價，因此，預期美國醫藥板塊今年餘下時間繼續下跌。
