【Now財經台】雙登集團(06960)今日(18日)起招股，周四(21日)截飛，招股價14.51元，入場費7328元，公司主要做設計、研發、製造和銷售儲能電池及系統，集團預期產品未來可以應用喺數據中心，以及同人工智能(AI)相關領域，呢隻新股又抽唔抽得過？
《香港股票財技密碼》作者梁杰文指，雙登嘅招股機制吸引，不過，睇返基本因素、業務層面唔算特別突出，雖然收入有增長，但毛利率不斷收窄，由於行業激烈競爭，產品亦唔可以隨便加價。
Mike又話，數據中心係食正AI浪潮，但值得留意係，呢方面嘅業務佔比其實較小，集團增長勢頭強勁會加少少分，不過，入場費比較貴對散戶嚟講唔太吸引，集團概念新穎係「AIDC儲能第一股」，佢建議可以抱玩六合彩心態去抽，估計雙登超額認購都冇懸念，相信可以抽中嘅機率較低。
