【Now財經台】美國零售銷售數據上星期五(15日)已經出爐，按月升0.5%，符預期，美股3個指數個發展，依家市場全部聚焦喺減息上，8月消費者情緒指數下跌，通脹預期升溫，呢啲消息對減息預期有冇影響？炒減息又應該點部署？
高富金融集團投資總監梁偉民指，雖然消費物價指數(CPI)和非農數字令減息情緒升溫，但後來生產物價指數(PPI)、零售銷售又降咗，反映關稅對物價影響未完全浮現出來，無論聯儲局定市場都好，要再睇更多數據先做到判斷。
佢又話，依家經濟基本面和通脹情況多衝突，處於一個尷尬嘅位置，之後年會，鮑威爾(Jerome Powell)嘅演說亦未必會提出明確方向，如果炒減息要小心小型股，雖然會受惠，但減息情況始終未肯定，加上股市增幅已經反映晒盈利增幅，要小心睇仲有冇向上空間，目前值博率唔高。
