【Now財經台】《路透》根據國家統計局數據測算，內地上月70個大中城市新建商品住宅價格指數，按月跌0.3%，跟6月持平，按年跌幅就進一步收窄至2.8%，反映需求疲弱及供應過剩持續。此外，市傳內地擬鼓勵央企收購未售商品房，加快去庫存。其實中央已推出唔少救樓市嘅政策，例如保障房再貸款計劃等，但成效似乎唔係好顯著。
紅蟻資本投資總監李澤銘指，主要內房庫存及債務龐大，就算全數投放計劃嘅3000億人仔庫存融資貸款，都只係佔全年銷售3%至4%，所以作用唔大。佢又認為，問題未必在於政策方向，而係資金規模及力度，要徹底解決庫存及開發商債務問題，資金規模最少10億至20萬億人仔。
Alan續稱，部分國企參與收購庫存時，亦要兼顧未來回報率，當現有商業考核指標跟政策目標存在矛盾，執行上未必太暢順。
