【Now財經台】卓悅控股(00653)股價今早(14日)高開逾9%後，升幅一度擴大至逾82%，高見0.159元，成交股數較過去100日同時段平均激增150倍，暫時成交金額逾820萬元。
集團日前公布，就早前建議供股及潛在配售計劃，已經喺股東特別大會獲得通過，集團計劃按「1供3」比例供股，供股價0.08元，較4月公布消息時價格折讓近26%，並計劃配售未獲認購供股股份，潛在承配人包括公司主席陳健文，集資淨額約5200萬元，集資所得近半用嚟升級跨境電商平台「香港貓」，另外近30%用作提升集團批發產品業務模式。
雖然計劃獲得通過，公司可以減債之餘，又有額外資金拓展業務，但喺依家嘅消費市道下，生意前景仍然唔算明朗。
