【股市脈搏】雲知聲冇蟹貨爆升後可再上？

【Now財經台】雲知聲(09678)股價今日(12日)輕微低開後，一度跌逾3%，但好快轉升，午後最多升15%，高見749.5元，收市報713元，升近10%，全日成交金額約7300萬元。

雲知聲股價今日大升，高位迫近750元水平，以上市價205元計，累升逾2.6倍，上方暫未有蟹貨，平滑異動移動平均線(MACD)轉正釋出正面訊號。不過，集團仍未派上市後首份成績表，未來要留意公司基本面有冇改善，睇下可唔可以撐住強勁嘅股價表現。