【Now財經台】美國總統特朗普(Donald Trump)宣布提名白宮經濟顧問委員會(CEA)主席米蘭(Stephen Miran)暫時出任聯儲局理事，接替辭任嘅庫格勒(Adriana Kugler)，另有消息指，現任聯儲局理事沃勒(Christopher Waller)係接替聯儲局主席鮑威爾(Jerome Powell)，接掌聯儲局嘅大熱人選，兩項人事任命重磅消息點影響美股？
博威環球證券金融首席分析師聶振邦估計，鮑威爾任期內，人事變動對聯儲局減息步伐冇太大影響，所以人事變動消息現階段未必會左右股市大局。
聶Sir又話，不過，當鮑威爾明年卸任後，若局內較多人支持特朗普嘅政策，估計減息步伐將會喺明年下半年開始加快，所以要留意局方明年嘅人事變動對美股嘅影響。
