【Now財經台】通達集團(00698)股價今朝(31日)高開逾14%後，閇市頭5分鐘股價非常波動，升幅一度擴大至16%，高見0.13元，其後升幅不斷收窄，成交股數較過去100日平均大增20倍，暫時成交金額約700萬元。
集團昨晚(30日)發盈喜，預告料中期多賺最多4倍，其實過去兩年集團虧損嚴重，合共蝕咗逾50億元，雖然依家業績見到曙光，但本業表現到底如何，都要等8月底公布業績時先有答案。
睇返技術走勢，通達股價走勢同公司大戶小米集團(01810)息息相關，小米股價6月底破頂，通達股價亦跟隨「開車」，由仙股炒到變毫子股，期間累升60%，不過，小米股價近期回套，如果計埋今日，已經連跌5個交易日，而通達股價近日亦開始橫行，若盈喜幫唔到通達突破近期高位，即0.12元水平，小心要跟隨小米回套。
