【Now財經台】滙豐控股(00005)今日(30日)中午派咗成績表後，股價下晝開市即急挫，一度跌4.5%，低見96.2元，究竟呢份業績出咗咩問題？喺破壞性關稅下，加上利率向下及經濟前景惡化等，滙控財務總監郭珮瑛(Pam Kaur)指，未來幾年平均有形股本回率(RoTE)應難以達到15%嘅目標水平。
元宇證券基金投資總監林嘉麒指，RoTE指標撇除近幾年嘅經濟影響，例如減息去評估集團有形資產，簡單嚟講，只睇集團增值能力及幅度。KK又認為，RoTE唔達標背後都有好多原因，包括係政治因素等，但完成唔到公司定下嘅目標，甚至預期會放緩，一定會影響投資者信心。
KK續指，滙控股價其實都升咗一段時間，所以市場會對公司期望好高，預期季績會更好，佢認為，股價午後急挫主要係RoTE差過預期。
