【now.com財經】噚日揀咗隻恒指熊(60573)出嚟，早段作戰室都係淡倉衝出，諗住貪心補裂口。但由上晝10點左右開始稍稍向上移上50點，到返25,300點之後，「長方形」行咗成兩個幾鐘，下半場作戰室索性借五分鐘圖條10線向上抽返上去，最尾一注好倉喺3點搭四出，都有啲怕佢唔夠力、升唔到、腳仔軟，好在臨完場前都爬到上25,500樓上，偷就歡愉。
裂口係有呀，不過變咗係補噚日個開市裂口，嘿~ 還好作戰室戰友們都正數！
但又咁講，五分鐘圖嘅Slow STC(14.3)喺噚日成個下半場都處於超買位，嚴格嚟講(60573)都真係符合咗佢出場策略，只不過問題在於你能唔能夠頂住升足半場而Hold隻(60573)到今日過夜先?!
留意返今日除咗係滙控(00005)同埋寧德(03750)出業績之外，仲係期結日，一開市Chok到嘔白泡都真係非常合理，開市15分鐘後見小時圖粒繈頂住10/50線兩邊都知佢咩料。
的確，今日係可以借呢個小時圖嚟做Swing；但比較大方向嘅仍然用日線圖10線同保歷加通道頂線夾住佢向上運行。
仲有10分鐘就10點，暫時恒指低位見25,212點，五分鐘圖更見出下影線將指數接返住上行，依家五分鐘圖上都見指數觸底上行到中軸前，再叫你追好倉嘅話，都擔心你睇完文再睇返個圖時，已經係好倉散水樣。
先揀隻恒指牛(59817)，收回價24,850點，同現價有約433點距離，擺位低於24,900至24,999點嘅重貨牛。
再來多隻恒指熊(55967)，收回價26,000點，整頭位，槓桿有約33.8倍，低街貨堆之中槓桿相對高。
比兩隻貨出嚟做咩呀? 梗係玩Swing啦！用住小時圖嘅10/20線同下方50線呢個位先，如果到你睇完文之後再睇返個圖發覺佢向其中一個方向破咗位嘅話，咁就索性順勢追過去啦！
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
