【Now財經台】雍禾醫療(02279)發盈喜，但股價今日(29日)受壓，平開後跌幅逐步擴大，並愈跌愈多，午後最多挫近13%，低見3.08元，收市報3.11元，大跌12%，成交股數較過去100日平均增4倍，全日成交金額逾1000萬元。
其實之前都有部分新消費股，喺股價升咗幾倍後發盈喜，獲利盤隨即湧現導致股價受壓，反映業績利好消息，唔一定帶挈股價，因為有可能已提前反映。
睇返技術走勢，雍禾醫療股價近期喺高位波幅有放大跡象，陰陽燭嘅燭芯顯著放大，雖然基本因素好轉，但短期可要留意10天線，即2.9元水平有冇支持。
