【Now財經台】加拿大、美國、巴西及日本央行議息結果，將會喺周三(30日)及周四(31日)出爐，雖然日本央行官員預期今年有可能加息，但市場依然估計央行會按兵不動。日圓今日(29日)轉強，日本10年期國債孳息率就升至1.57厘，究竟日央行議息結果有冇機會爆冷？
資深經濟師羅家聰指，因為長年唔恰當嘅息率同長期負利率，令日本核心核心消費者物價指數(Core-Core CPI)通脹一直大升，形成咗「工資-價格螺旋」，係太遲加息嘅後遺症，佢估計，日圓8月至10月嘅波幅會好大。
不過，KC話，即使日圓轉弱都未必會利好日股，假如日央行行長植田和男唔理通脹，就會出現「股匯債三殺」局面。
由於Core-Core CPI一直不停咁升，所以佢認為，日圓嘅危險位係160水平，而當日圓升到150水平，日央行就會放風加息，仲要係連串加息周期，一郁就唔止0.25厘，從而令日圓大額行返轉頭。
