【Now財經台】老牌紡織股天虹國際集團(02678)股價今朝(25日)高開13%後，升幅一度擴大至19%，高見4.85元，升上9個月高位，成交股數較過去100日平均大增17倍，暫時成交金額逾1100萬元。
雖然天虹今年股價彈咗唔少，今日再大裂口抽升，主要係公司昨晚(24日)發盈喜，預告中期有望大賺近5億元，但以現價計，全年股息率唔夠4厘，如果為咗股息喺現水平高追似乎唔太吸引。
睇返技術走勢，天虹國際今日中午前升幅收窄，陰陽燭形態顯示係待變格局，14天相對強弱指數(RSI)亦有啲超買，可以觀察多幾日，睇下守唔守得住今日低位，即4.45元水平，如果守得住，下一站或挑戰去年10月高位，即5.1元水平。
