【Now財經台】早前宣布折讓配售新B類股份嘅商湯(00020)，股價今早(25日)以暫時高位，輕微高開後，好快就掉頭向下，一度低見1.67元，跌3.4%。市傳集團旗下6家企業或接近完成18億人仔融資，商湯產品以好倉為主，如果睇好股價會進一步向上，揀CALL輪時有咩要注意？
中信證券國際股權衍生品銷售經理李碧珊指，要留意商湯本身係1隻波幅較大嘅股份，市場上唔同CALL輪嘅引伸波幅差距都幾大，投資者入場時，除咗比較行使價及到期日之外，亦可以比較埋引伸波幅。
Percy又話，市場上大多揀2至3倍槓桿嘅CALL，但其實都有年期相對較短，大概3個月時間值，價外約30%，有啲引伸波幅就低少少，大概80左右，槓桿都有4倍，適合做短線部署嘅投資者，但佢提醒要留意時間值損耗問題。
