【Now財經台】美東汽車(01268)股價今早(24日)高開後，升幅逐步擴大，一度大升10%，高見2.36元，但高位有獲利壓力，午後沽盤多咗，收市升6%，收報2.27元，美東股價造好，但冇成交配合，成交股數較過去100日平均反而少咗，全日成交金額逾710萬元。
內地上周宣布將徵收豪華車10%消費稅嘅門檻，由130萬人仔降至90萬人仔，據摩根士丹利統計顯示，去年保時捷(Porsche)在華銷售有一半集屬於呢個價位，保時捷中國亦迅速表明，受影響車款，集團會為經銷商主動承擔稅款。
不過，行業依家面臨最大問題唔係有冇補貼，而係冇需求，美東去年業績由賺過億變蝕22億元，股價近兩年更由20元跌到依家逾2元。
睇返技術走勢，美東今日未能衝穿近2個月高位，即2.38元水平，但已經出現獲利壓力，股價仍未轉勢，暫時只能靠炒下消息。
