【Now財經台】商湯(00020)向無極資本配售逾16.66億股新B類股份，配股價1.5元，較昨日(23日)收市價折讓約6%，集資淨額約24.98億元，將用於支持公司生成式人工智能(Generative AI)研發等。值得留意係，集團去年兩次配股都有多名承配人，今次只得無極資本，點睇呢單deal？商湯去年配股後，股價走勢差，今次情況會唔會一樣？
耀才證券研究部總監植耀輝指，無極資本近期動作都係同內地及AI發展有關，市場上冇太多關於呢間公司嘅紀錄，如果商湯喺呢個範疇嘅表現明顯改善，先可以為市場打一支強心針。
股價方面，Stanley提醒，短線要小心，過去商湯股價較波動，加上每次公司有消息傳出，北水就會關注，喺北水參與下，股價有郁動並唔出奇，佢又話，前高位1.9元水平可視為短線目標，但佢提醒，公司仍處於一個「燒錢」比較多嘅階段，所以都要小心。
