【Now財經台】美國聯合航空(United Airlines)發布新嘅2025財年業績指引，下調全年盈利預測，由每股賺11.5至13.5美元，下調至介乎9至11美元，但集團一方面話前景好轉，但另一方面又下調盈測，點解讀呢個自相矛盾嘅消息？
Solomons Group亞太區投資及ESG總監黃耀宗指，聯合航空嘅訊息睇落自相矛盾，前景明朗化係不確定性淡化咗，令前景睇得清晰啲，例如客戶群目標、燃油成本等。
佢又話，今次可以話係成本壓力令公司收入差咗少少，因為乘客對價格敏感度高，公司要再下調機票價格搶佔返市場，加上受環球市場氣氛影響，目前呢個板塊要睇市場需求可以唔可彌補得返。
