【now.com財經】噚日揀咗隻阿里牛(64295)，講明小時圖102蚊底線位守得住嘅先至好出，如果唔係由得個市慢慢磨飽佢。
等到下半場1點開返市之後，阿里股價終於借到102元築底線上行，(64295)有齊鞗件出得場，持貨至最後一小時更上埋10線，唔過夜計呢一趟平均有9格或14.06%賺幅離場。
如果過咗夜嘅話，今日指數升4點時你無乜感覺，及至開市之後指數向上直奔重熊區，作戰室開好倉即追即食之外，亦有戰友表示隻阿里好倉有跟進兼過埋夜，小時圖上見股價一大支陽燭向上抽升至過埋20線，上方50線位目前同前一嘅開市裂口位相約，少少進取嘅，不過我諗你注(64295)應該我未出文你都見好即收。
3分鐘後先至10點，不過恒指已經向上踩入24,300點樓上，將熊證首兩層街貨已經全數收回。
10點打後指數已經再爬到上24,350點樓上，有似睇住24,400至24,499點嗰層重熊區再打上去咁。
如果呢一刻我比隻恒指牛(56758)，收回價23,850點，用24,000點做止蝕位而再比多150點作為緩衝的話，要小心嘅係指數開市至依家已經升咗36分鐘，隨時，五分鐘圖上會見整條保歷加通道向上，到時只靠保歷加頂線同10線之間作向上運行的話，Swing Trade出現就因住指數會差錯腳。
小時圖上見Slow STC(14.3)暫時只係得%K線上到超買位，保歷加通道口係仲拓闊嘅，但明顯話比你知，呢一注再追好倉，的確唔夠作戰室一開市追嘅快同肥囉。
唔緊要啦；恒指熊(55956)，收回價24,900點，同現價有約500點距離，萬一指數上到24,500點，將第二層過張期指街貨嘅重熊都殺埋之後，好友收手淡倉可能有個位可以攝返出嚟。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
