【「皮褸黃」訪華前】Nvidia身價破4萬億美元成美企「大佬」

【now.com.財經】昨日(10日)市傳英偉達(Nvidia)行政總裁、「AI教父」黃仁勳計劃下星期三(16日)訪華，可能會跟中國高層領導人會面。據《彭博》最新報道，「皮褸黃」昨日到白宮同美國總統特朗普(Donald Trump)會面，但白宮及Nvidia暫時都未有回應。

「皮褸黃」訪華前，Nvidia率先傳嚟兩大好消息，首先係集團股價再破頂，昨晚收市報164.1美元，升唔夠1%，其次係Nvidia收市市值突破4萬億美元，成為第1家市值突破4萬億美元嘅美國企業。