【Now財經台】今年1月初上市嘅B仔股腦動極光(06681)，基石投資者嘅股份禁售期將會喺明日(8日)屆滿，股價今日(7日)喺解禁前夕一度升3.5%，高見6.46元，若以今日暫時即市高位計，較招股價3.22元，累升約1倍，呢個會唔會成為投資者一大沽貨獲利誘因？
博威環球證券金融首席分析師聶振邦指，腦動極光基投如天力士，認購股數佔已發行股數比例唔高，約1.16億股，佔約9%，就算全數沽出都影響唔大。
聶Sir又話，腦動極光屬於B仔股，意味不確定因素多，業績表現亦難估計，不過，股價較招股價高出約1倍，就算天士力唔沽，對其他冇醫療背景嘅基投來講，都係一個非常大嘅沽貨誘因。
