【Now財經台】截至早上11時止，1小時內《彭博》用戶關注度上升最多全球股票，依次為富衛集團(01828)、友邦保險(01299)、藥明生物(02269)、美團(03690)及中國飛鶴(06186)。
藥明生物股價今日(7日)輕微低開後，一度大跌逾6%，低見24.5元，集團上月中遭大股東大幅折讓50%減持後，股價持續向下，落到20天線橫行咗一段時間，今日又大跌，不過，摩根士丹利最新唱好藥明生物，入值得留意係，上次集團獲大行「祝福」後，好快就傳嚟股東減持消息，今次會唔會歷史重演？
大唐資本投資策略部總監盧志明指，股東減持消息可以參考，但唔好過分「迷信」，亦毋須猜測資金去向。藥明生物股價最近喺22元至29元上落，股價大約2至3周前曾觸頂，依家略為回落，Ken建議暫時當係一個上落格局，如果守得住22元，估計會繼續喺現時嘅區間橫行。
佢又補充，暫時睇唔到有太壞嘅消息，若傳出減持消息，相信股價短期會繼續受壓，只要唔跌穿22元就唔使太擔心。
