【Now財經台】過去半年，有關日本「7‧5大地震」嘅預言喺全球廣泛流傳，東瀛遊(06882)更喺當日在日本做Live直擊當地情況，結果預言未有應驗，之後集團嘅日本旅行團查詢人數上升，東瀛遊會唔會提供額外保障或有新措施等，吸引更多旅客再去日本玩？
東瀛遊執行董事褟國全表示，公司已為日本未來一旦出現地震做好應對方案，例如出發當日目的地發生6級或以上地震，客人以安全理由退出，報名費將全數退回。此外，集團亦跟航空公司、日本合作伙伴等，推出咗特價package，現時5日嘅大阪旅行團費唔使5000蚊，呢個價錢同去年暑假比較，差不多係半價。
Steven又指，希望透過參加特價團，令旅客感受到當地係安全，佢期望7月中至8月出發去日本嘅人數將會回升。佢又預期，超特價團會持續至暑假，並估計睇紅葉季節報名人數將會出現爆發式增長。
